"Real"ın ulduzu "Mançester Yunayted"də?

"Real"ın hücumçusu Vinisius Junior klubu tərk edə bilər.

 90deqiqe.az "Metro"ya istinadən məlumatına görə, "Mançester Yunayted" klubu braziliyalı futbolçunu transferində israrını davam etdirir.

"Qırmızı şeytanlar" 23 yaşlı forvard üçün 130 milyon funt-sterlinq təklif etməyə hazırdır. Braziliyalının özü də "Real"dan yalnız PSJ-nin hücumçusu Kilian Mbappenin kluba keçəcəyi təqdirdə ayrılacaq.

Bu mövsüm Vinisius Junior Los Blancos-un heyətində 15 oyun keçirib, bu oyunda altı qol vurub və dörd məhsuldar ötürmə verib. Braziliyalının "Real Madrid"lə müqaviləsi 2027-ci ilin yayında başa çatır. Transfermarkt internet portalının məlumatına görə, hücumçunun təxmini dəyəri 150 milyon avrodur.