Henderson "Ayaks"da?

"Əl-İttifaq"ın və İngiltərə millisinin yarımmüdafiəçisi Cordan Henderson "Ayaks"a keçməyə yaxındır.

90deqiqe.az xəbər verir ki, hər iki tərəf  danışıqları müsbət yekunlaşdırmaqda maraqlıdır.

Futbolçunun “Əl-İttifaq”la müqaviləsini ləğv etmək üçün razılaşdığı bildirilir.

Henderson 2023-cü ilin yayında "Liverpul"dan Səudiyyə Ərəbistanı klubuna keçib. Onun müqaviləsi 2026-cı ilin yayında başa çatır. 33 yaşlı yarımmüdafiəçi “Əl-İttifaq”da 19 oyun keçirib, 5 məhsuldar ötürmə edib və 4 sarı vərəqə alıb. Səudiyyə Ərəbistanında bir ingilisin maaşı ildə 40 milyon avrodur.