Rusiyadan İspaniyaya

Moskvanın ÇSKA klubunun hücumçusu Viktor Davila İspaniya çempionatına yola düşə bilər.

90deqiqe.az İnsayder Oskar Mendesin sosial şəbəkələrdəki xəbərlərinə görə məlumat verir ki, "Selta Viqo" oyunçunu transfer etməkdə maraqlıdır. Viqo klubunun idman direktoru Marko Qarses Davilanın imkanlarını yaxşı bilir və müqavilənin əsas təşəbbüskarıdır.

26 yaşlı çilili hazırkı Rusiya Premyer Liqasında 11 matçda iştirak edib. Hücumçu üç qol vurub, bir məhsuldar ötürmə edib. Viktorun CSKA ilə müqaviləsi 2027-ci ilin yayına qədərdir. Onun transfer qiyməti 5,5 milyon avrodur.