"Aston Villa"nın hücumçusu bu iki nəhəng klubun hədəfində

"Aston Villa"nın hücumçusu Con Duran "Çelsi" və ya "Milan"a keçə biləcəyi ilə bağlı iddialara münasibət bildirib.

90deqiqe.az xəbər verir ki, 20 yaşlı futbolçu bu təkliflərdən xəbərsiz olduğunu söyləyib.

“Hazırda bütün diqqətimi “Aston Villa”da oynamağa yönəltmişəm, “Çelsi” və “Milan”ın maraqlarından xəbərsizəm. Nəhəng klublardan danışırıq, amma hələ heç nə bilmirəm. Uşaq olanda belə komandalarda oynamaq arzusunda olursan”

Bildirək ki, hər iki klub daha əvvəl kolumbiyalının xidmətində maraqlıydı.

Xatırladaq ki, Duran bu mövsüm İngiltərə çempionatında iki qol vurub. Transfermarkt kolumbiyalıya 17 milyon avro qiymət qoyub.