“Arsenal” və “Tottenhem” onun uğrunda mübarizə aparır

"Real Sosyedad" vingeri Ander Barreneçea Londonun top klublarından birinə keçə bilər.

90deqiqe.az  "Sun Sport"a istinadən xəbər verir ki, “Arsenal” və “Tottenhem” 22 yaşlı hücumameyilli futbolçunun transferi uğrunda mübarizə aparır. Hər iki klub artıq cari transfer pəncərəsində La Liqa rəhbərliyinə təklif göndərməyə hazırlaşır

Futbolçunun ispan klubu ilə müqaviləsi 2027-ci ilin iyunun sonuna kimi qüvvədədir.

İspaniya gənclər komandasının üzvü "Real Sosyedad"ın yetirməsidir. Bu mövsüm cinah oyunçusu bütün turnirlərdə 23 oyun keçirib, 4 qol vurub və iki məhsuldar ötürmə edib. Transfermarkt internet portalına görə futbolçunun təxmini dəyəri 20 milyon avrodur.