Taremi "İnter"ə keçir? - özü açıqladı

"Porto"nun və İran millisinin hücumçusu Mehdi Taremi "İnter"ə keçmək təklifi haqda danışıb.

90deqiqe.az-ın məlumatına görə, 31 yaşlı forvard hazırda bütün diqqətini milli komandayla Asiya Kubokuna kökləndiyinin bildirib.

"İndi bunu müzakirə etməyin vaxtı deyil. Hazırda millimiz Asiya Kuboku üçün Qətərdədir. Komanda hər şeydən önəmlidir."

Taremi 2020-ci ildən "Porto"da çıxış edir. Bu mövsüm forvard "Əjdahalar"ın heyətində bütün turnirlərdə 25 oyun keçirib, 6 qol vurub və 3 məhsuldar ötürmə edib. Futbolçunun Portuqaliya klubu ilə müqaviləsi 2024-cü ilin iyun ayının sonuna qədər qüvvədədir. Transfermarkt internet portalına görə futbolçunun təxmini dəyəri 12 milyon avrodur.