“Əl Nəsr”i  “Əl İttifaq”a dəyişir

Səudiyyə Ərəbistanının “Əl Nəsr” klubu yarımmüdafiəçisi Seko Fofana karyerasını “Əl İttifaq”da davam etdirəcək.

90deqiqe.az xəbər verir ki,  28 yaşlı futbolçu yeni komandasında mövsümün sonuna qədər icarə əsasında çıxış edəcək.

“Əl-Nəsr” rəhbərliyinin Fofananı göndərməkdə məqsədi kolumbiyalı qapıçı David Ospinanı transfer edə bilməkdi. Çünki hazırda Səudiyyə Ərəbistanı çempionatında əcnəbi oyunçulara məhdudiyyət qoyulub.

Xatırladaq ki, bu mövsüm “Əl-Nəsr”in yarımmüdafiəçisi bütün turnirlərdə 19 matçda iştirak edib, iki qol və bir məhsuldar ötürmə ilə yadda qalıb. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 20 milyon avrodur.