"Barselona" onu transfer etməkdə israrlıdır

"Barselona" klubu "Mançester Siti"nin yarımmüdafiəçisi Kalvin Fillipsi transfer etməkdə israrlıdır.

90deqiqe.az xəbər verir ki,  bu barədə jurnalist Fernando Polo öz şəxsi "X" sosial şəbəkə hesabında yazıb.

O, 28 yaşlı futbolçunun "Blauqrananın" yanvar ayı üçün əsas transfer hədəfi olduğunu qeyd edib.

 "Barselona" birdəfəlik alma şərti ilə oyunçu icarə əsasında heyətinə qatmaq istəyir. Eyni zamanda, kataloniyalılar futbolçunun maaşının bir hissəsini ödəməyə razıdır. Transfer ehtimalı az görünsə də danışıqların nəticəsinə əsasən oyunçunun keçidi istisna edilmir.

Xatırladaq ki, Kalvin Avro-2024 başlamazdan əvvəl müntəzəm oyun praktikası almaq istəyir.

Transfermarkt internet portalının məlumatına görə, 28 yaşlı futbolçu 2022-ci ilin yayında "Lids Yunayted"dən 49 milyon avroya "Siti"nin düşərgəsinə keçib.Bu mövsüm Fillips komandanın heyətində çıxış etdiyi bütün turnirlərdə cəmi 10 oyun keçirib. 319 dəqiqə meydanda olub və yalnız bir qol vurub. Eyni zamanda, Phillipsin bazar dəyəri 28 milyon avrodur.