Mourinyo Səudiyyə Ərəbistanıda işləmək istəmir

“Roma”nın sabiq baş məşqçisi Joze Mourinyonun hazırda Səudiyyə Ərəbistanında işləmək fikri yoxdur.

90deqiqe.az xəbər verir ki, bu barədə “Sky Sport Italia” məlumat yayıb.

Mənbənin sözlərinə görə, portuqaliyalı mütəxəssis "Əş-Şəbab" klubundan təklif alıb, lakin indiki mərhələdə Mourinyo bunu qəbul etməyi planlaşdırmır.

60 yaşlı çalışdırıcının xidmətində İngiltərənin bir neçə klubu maraqlıdır.

Daha əvvəl Mourinyonun "Əş-Şabab"a rəhbərlik etməyə razı olduğu bildirilirdi.

Xatırladaq ki, portuqaliyalı çalışdırıcı yanvarın 16-da “Roma”nın baş məşqçisi vəzifəsindən azad edilib. Mourinyo həm də "Çelsi", "Tottenhem", "Mançester Yunayted", "İnter", "Real Madrid" və "Portu"da fəaliyyəti ilə tanınır.

Xatırladaq ki, portuqaliyalı mütəxəssis 2021-ci ilin yayında Roma klubuna rəhbərlik edəcək. 2021/2022 mövsümündə onun rəhbərliyi altında "Roma" Konfrans Liqasının qalibi olub. 2022/2023 mövsümündə “Canavarlar” Avropa Liqasının finalına yüksəlib.