"Əl-İttihad" Benzemaya əvəzləyici tapdı

İspaniyanın "Atletiko Madrid" klubu hücumçu Anxel Korrea karyerasını Səudiyyə Ərəbistanıda davam etdirə bilər.

90deqiqe.az xəbər verir ki, argentinalı futbolçunun xidmətində "Əl-İttihad" klubu maraqlıdır. Madrid klubu futbolçunu Səudiyyə Ərəbistanına buraxmağa hazırdır, çünki bu, italiyalı hücumçu Moise Kinin transferi üçün köməklik göstərəcək

Rəhbərliklə münaqişə səbəbindən ayrılmağa yaxın olan Korreanın "Əl İttihad"da fransalı Kərim Benzemanı əvəz edəcəyi gözlənilir.

28 yaşlı futbolçunun Madrid klubu ilə müqaviləsi 2026-cı ilin iyun ayına qədər nəzərdə tutulub. 2014-cü ildə "San Lorenso"dan "Atletiko"ya keçən Korrea bu mövsüm 23 matçda iştirak edib, 5 qol vurub və 1 məhsuldar ötürmə edib.