"Real"ın yeni hədəfi

"Jirona"nın və Braziliya millisinin müdafiəçisi Yann Kouto "Real Madrid"in maraq dairəsinə düşüb.

90deqiqe.az-ın məlumatına görə, Madrid klubu uzun illər bu vəzifəni doldura biləcək sağ cinah müdafiəçisi axtarır. Braziliyalı Los Blancos siyahısında əsas namizəddir.

Cari mövsümdə icarə əsasında "Jirona"da çıxış edən Kouto La Liqada və İspaniya Kubokunda 23 matça çıxıb, 2 qol vurub, 6 məhsuldar ötürmə verib və 4 sarı vərəqə alıb. 2024-cü ilin yayında 21 yaşlı cinah oyunçusu müqaviləsi 2025-ci ilin yayına qədər olan "Mançester Siti"yə qayıdacaq. Transfermarkt portalı braziliyalıya 12 milyon avro qiymət qoyub.