Mutu'nun yeni iş yeri bəlli oldu

“Neftçi”nin sabiq baş məşqçisi Adrian Mutu Rumıniya klubu ÇFR ilə anlaşıb.

90deqiqe.az xəbər verir ki, bunu sözügedən komandanın sahibi Nelu Varqa açıqlayıb.

Klub rəhbəri ölkə çempionatının XXII turunda “Botoşani”yə məğlubiyyətdən sonra baş məşqçi Andrea Mandorlini istefaya göndərildiyi bildirib. O, bu posta Mutunu təyin edəcəklərini vurğulayıb: “Mutu ilə danışdım, bir-birimizi başa düşdük. Yeni baş məşqçimizin Adrian olmasını qərara almışam. Onunla müqavilənin detallarını müzakirə edəcəyik”.

Qeyd edək ki, ÇFR hazırda 36 xalla turnir cədvəlinin ikinci pilləsində qərarlaşıb.

Əlavə edək ki,  Adrian Mutunun paytaxt klubunda müqaviləsi dekabrın 24-də ləğv edilib. Komanda Monteneqrodan olan Miodraq Bojoviçə tapşırılıb. Onun rəhbərliyi altında "ağ-qaralar" 23 matçda 10 qələbə, 5 heç-heçə və 8 məğlubiyyət alıb.