Meksika klubundan "Fiorentina"ya

Meksikanın "Amerika" klubunun yarımmüdafiəçi Brayan Rodriqes karyerasını "Fiorentina"da davam etdirməyə yaxındır.

90deqiqe.az xəbər verir ki, bunu futbolçunun agenti Edqardo Lasalvia da təsdiqləyib. O, florensiya təmsilçisinin təklifi ilə bağlı bunları deyib.

"Onu gözləyirlər. Ümid edirəm ki, tezliklə bu transfer reallaşacaq."

"Fiorentina"  23 yaşlı futbolçuya daha bir mövsüm uzatmaq imkanı ilə 4 illik müqavilə təklif edib. "Amerika" gələcək satışlarından da faizini alacaq.

Gənc futbolçu Uruqvay millisində də çıxış edir. Meksika çempionatının cari mövsümündə 14 matçda Rodriges 4 qol vurub və 1 məhsuldar ötürmə edib.