"Bayer" və "Atletiko" onun üçün mübarizə aparır

"Yuventus"un hücumçusu Moise Kin karyerasını Almaniyada davam etdirə bilər.  

90deqiqe.az xəbər verir ki, bu barədə jurnalist Florian Plettenberq "X" sosial şəbəkəsində (keçmiş Twitter) yazıb.

O, "Bayer"in 23 yaşlı futbolçunu transfer etmək üçün "Atletiko Madrid"lə mübarizəyə girməyi planlaşdırdığını qeyd edib. Leverkuzen klubunun nümayəndələri artıq "Yuventus"la əlaqə saxlayıb, danışıqlar ilkin mərhələdə davam etdiyi bildirilir. Turinlilərin rəhbərliyi yaxın vaxtlarda futbolçusunun gələcəyi ilə bağlı yekun qərarı verəcək.

İtalyan futbolçunun icarə əsasında Madrid klubuna keçəcəyi gözlənilirdi.

Kin 2010-2019-cu illərdə "Yuventus"da olub, sonra "Everton"a keçib. Bu mövsüm forvard turinlilərin heyətində effektli olmadığı bütün turnirlərdə 12 oyun keçirib. Futbolçunun İtaliya klubu ilə müqaviləsi 2025-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 18 milyon avrodur.