- Transfer
- 20:45 17.10.2024
Kanada "Toronto"sunun hücumçusu Federiko Bernardeski sabiq komandası "Yuventus"a qayıdıb.
90deqiqe.az xəbər verir ki, Turin klubu sabiq futbolçusunu mövsümün sonuna qədər icarəyə götürüb. Bu barədə jurnalist Nikolo Şira X (keçmiş Twitter) sosial şəbəkəsində yazıb.
O, italyan futbolçunun sabiq klubuna qayıtmaq arzusunda olduğu üçün az maaşa razı olduğunu bildirib.
Xatırladaq ki, Federiko 2022-ci ilin yayında azad agent kimi İtaliya komandasından Torontoya keçmişdi. Ötən mövsüm 29 yaşlı futbolçu Amerika klubunun heyətində bütün turnirlərdə 33 oyun keçirib və 5 qol vurub və iki məhsuldar ötürmə edib. Eyni zamanda, Transfermarkt internet portalının məlumatına görə, oyunçunun bazar dəyəri 5 milyon avrodur.