- Transfer
- 22:27 24.10.2024
Çili millisinin yarımmüdafiəçisi Arturo Vidal karyerasını ölkəsinin"Kolo-Kolo" klubunda davam etdirəcək.
90deqiqe.az xəbər verir ki, 36 yaşlı futbolçu ilə imzalanan müqavilənin şərtləri açıqlanmayıb.
Futbolçu 2005-ci ildə gənclər səviyyəsində oynadığı kluba qayıdıb və burada böyüklər karyerasına başlayıb.
Ötən mövsüm yarımmüdafiəçi Braziliyanın "Atletiko Paranaense" klubunda çıxış edib. Karyerası ərzində "Bayer", "Bavariya", "Yuventus", "İnter" və "Barselona" klublarında çıxış edən təcrübəli futbolçu ümumillikdə 686 matçda iştirak edib, 111 qol vurub və 83 məhsuldar ötürmə edib.
