"Arsenal" Kərim Benzema ilə maraqlanmır

"Arsenal" "Əl-İttihad" klubunun hücumçusu Kərim Benzemanın transferi ilə bağlı heç bir danışıqlar aparmır."

90deqiqe.az xəbər verir ki, bu sözləri jurnalist Fabrizio Romano "talkSport"a açıqlamasında deyib.

"Son 48 saat ərzində "Arsenal" azarkeşlərindən Kərim Benzema ilə bağlı çoxlu suallar aldım. Eşitdiyimə görə, Kərim Benzema ilə "Arsenal" arasında heç bir danışıq olmayıb. "Arsenal" bu günə qədər fransız oyunçunu almağa çalışmır, bu, tamamilə doğru deyil.Bilirəm ki, Benzema bütün dünyada bir çox azarkeşi həyəcanlandıran bir addır, lakin bu belədir".

Xatırladaq ki, daha əvvəl mətbuatda London klubunun “Əl-İttihad”ın hücumçusunu icarəyə götürmək variantını nəzərdən keçirdiyi barədə məlumatlar yayılmışdı.

Əlavə edək ki, 36 yaşlı oyunçu ötən yay azad agent kimi "Əl İttihad"a keçib. Bu mövsüm forvard bütün turnirlərdə 24 oyun keçirib, 15 qol vurub və 5 məhsuldar ötürmə edib. Futbolçunun Səudiyyə klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 15 milyon avrodur.