Kərim Benzema “Əl-İttihad”dan ayrıldı

Fransız hücumçu Kərim Benzema “Əl-İttihad” klubunun rəhbərliyinə komandanı müvəqqəti tərk etməli olduğunu bildirib.

90deqiqe.az  "RMC Sport"a istinadən xəbər verir ki, 36 yaşlı futbolçu bu addımı onun üzərində həddindən artıq təzyiq hiss olduğu üçün atıb. “Əl-İttihad” isə Benzemaya onu Səudiyyə Ərəbistanı çempionatından başqa kluba icarəyə vermək variantını təklif edib. Lakin təcrübəli forvard bu təklifi də rədd edib.

Xatırladaq ki, daha əvvəl Benzema "Əl-İttihad"ın düşərgəsinə gec gəlib və buna görə də onlardan uzaqlaşdırılıb. Mətbuatda yayılan məlumata görə, futbolçu hazırda fərdi məşq edir.

Benzema ilə hazırkı əmək müqaviləsi 2026-cı ilin yayına kimi nəzərdə tutulub.

Əlavə edək ki, 36 yaşlı oyunçu ötən yay azad agent kimi "Əl İttihad"a keçib. Bu mövsüm forvard bütün turnirlərdə 24 oyun keçirib, 15 qol vurub və 5 məhsuldar ötürmə edib. Futbolçunun Səudiyyə klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 15 milyon avrodur.