"Bavariya"nın təklifi yenə rədd edildi

"Nyukasl Yunayted" müdafiəçisi Kieran Trippierin transferi üçün "Bavariya"nın 15 milyon avroluq təklifini rədd edib.

90deqiqe.az xəbər verir ki, bu barədə jurnalist Ben Ceykobs "X" sosial şəbəkəsində (keçmiş Twitter) yazıb.

O, bu təklifin Münhen klubunun ödəməyə hazır olduğu ən yüksək məbləğ olduğunu qeyd edib.

Daha əvvəl 33 yaşlı ingilisin Münhen komandası ilə şəxsi müqavilənin şərtlərini artıq razılaşdırdığı bildirilirdi.

Xatırladaq ki, müdafiəçi bu mövsüm bütün turnirlərdə 28 matçda iştirak edib və 8 məhsuldar ötürmə edib. Futbolçunun klubla hazırkı əmək müqaviləsi 2025-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 11 milyon avrodur.