"Nottingem Forest" onlarla güclənir

"Ayaks"ın hücumçusu Karlos Forbes karyerasını "Nottingem Forest"də davam etdirə bilər.

90deqiqe.az xəbər verir ki, Premyer Liqa klubu portuqaliyalı futbolçu icarəyə götürməyə hazırlaşır.

"Nottingem Forest" eyni zamanda “Borussiya Dortmund”dan Covanni Reynanı da heyətinə qatmağı planlaşdırır.

19 yaşlı forvardın Amsterdam klubu ilə müqaviləsi 2028-ci ilin yayına qədər nəzərdə tutulub. O, cari Hollandiya çempionatının 25 matçında iştirak edib, 2 qol vurub, 4 məhsuldar ötürmə edib.

Amerikalı futbolçu Reynanın isə Dortmund təmsilçisi ilə müqaviləsi 2025-ci ilin yayına qədər nəzərdə tutulub. 21 yaşlı yarımmüdafiəçi, Bundesliqa klubunun heyətində bu mövsüm 13 matçda iştirak edib.