"Çelsi" "Aston Villa"nın hücumçusunu “qaralayıb”

"Aston Villa"nın hücumçusu Con Duran komandasını dəyişə bilər. 

90deqiqe.az "The Telegraph"a istinadən xəbər verir ki, "Çelsi" 20 yaşlı forvardla yaxından maraqlanır. Londonlular tezliklə "Aston Villa"ya kolumbiyalını almaq üçün təklif göndərməyə hazırlaşır

Birmingem klubu bir müddət əvvəl Duran üçün "Vest Hem"in icarə təklifini rədd etmişdi.

Duran ötən yay 16,64 milyon avroya "Çikaqo Fayr"dan "Aston Villa"ya keçib.Bu mövsüm forvard "Birmingem"in heyətində bütün turnirlərdə 23 oyunda iştirak edib, 4 qol vurub və 1 məhsuldar ötürmə edib. Futbolçunun hazırkı klubu ilə müqaviləsi 2028-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 17 milyon avrodur.