"Səudiyyə Ərəbistanı liqası yaxın iki ildə dünyanın ən yaxşılarından olacaq"

İcarə əsasında "Roma"da çıxış edən  belçikalı hücumçu Romelu Lukaku Səudiyyə Ərəbistanı çempionatına ümidlərindən danışıb.

90deqiqe.az xəbər verir ki, müqavilə ilə "Çelsi"yə məxsus olan forvard Ərəb Liqasının ən yaxşı liqalardan biri olacağını deyib.

 “Düşünürəm ki, yaxın iki ildə Səudiyyə Ərəbistanı Pro Liqası ən yaxşı olmasa da, dünyanın ən yaxşı liqalarından biri olacaq.Bütün Səudiyyə klubları məşhur futbolçuları bura cəlb etmək üçün böyük səylər göstərir. Onlar əhəmiyyətli dərəcədə yaxşılaşır. Onların çempionatının dünyanın ən yaxşı yarışması olmaq şansı var”,

Lukaku bu mövsüm "Roma"nın heyətində bütün turnirlərdə 26 oyunada iştirak edib,15 qol vurub, 2 məhsuldar ötürmə edib. Futbolçunun "Çelsi" ilə müqaviləsi 2026-cı ilin iyun ayının sonuna kimidir. Transfermarkt internet portalının məlumatına görə, futbolçunun təxmini dəyəri 35 milyon avrodur.

Qeyd edək ki, daha əvvəl "Çelsi"nin Lukakunu "Roma"ya və ya "Əl-Hilal"a 43 milyon avroya satmağa hazır olduğu bildirilirdi.