"Mançester Siti" öncə transfer etdi sonra icarəyə göndərdi

“River Pleyt”in yarımmüdafiəçi Klaudio Eçeverrinin "Mançester Siti"yə keçidi rəsmiləşib.

90deqiqe.az xəbər verir ki, "şəhərlilər" argentinalı futbolçu ilə 2028-ci ilə qədər müqavilə imzalayıb. Daha sonra gənc yarımmüdafiəçi bir mövsümlük icarə əsasında “River Pleyt”ə göndərilib.

18 yaşlı futbolçu "River Pleyt"in yetirməsidir. Argentinalı akademiyadan əsas komandaya qədər yüksəlməyi bacarıb. Nüfuzlu onlayn portal Transfermarkt Klaudionun bazar dəyərini 12 milyon avro olaraq qiymətləndirir.Bu mövsüm Eçeverri altı oyunda iştirak edib və bir məhsuldar ötürmə edib.

Xatırladaq ki, daha əvvəl "Mançester Siti"nin Eçeverriyə görə 25 milyon avro ödəyəcəyi bildirilirdi.

Bu mövsüm İngiltərə Premyer Liqasında keçirdiyi 20 matçdan sonra "şəhərlilər" lider "Liverpul"dan 5 xal geri qalaraq turnir cədvəlində ikinci yerdədir.