Zidanın gələcək planı bəlli oldu

"Real"ın sabiq baş məşqçisi Zinəddin Zidanın karyerasını davam etdirməklə bağlı planları məlum olub.

90deqiqe.az "RMC Sport"a istinadən xəbər verir ki,  51 yaşlı mütəxəssis gələcək komandası kimi yalnız Fransa millisini görür və başqa yerdə işləmək fikrində deyil.

Bildirilir ki, bu səbəbdən ailəsi bu varianta son dərəcə müsbət yanaşsa da, Zidan yerli futbol federasiyasının Əlcəzair millisinə rəhbərlik təklifindən imtina edib.

Mənbənin sözlərinə görə, Zidan yenidən məşqçiliyə tələsməyi planlaşdırmır və Fransa millisinin hazırkı baş məşqçisi, müqaviləsi 2026-cı ildə başa çatacaq Didye Deşamın müqaviləsinin bitməsini gözləməyə hazırdır.