“Əl-Nəsr” və “Əl-Hilal” onun üçün mübarizə aparır

Səudiyyə Ərəbistanının “Əl-Nəsr” və “Əl-Hilal” klubları hazırda İspaniyanın “Betis” klubunda çıxış edən Nabil Fekirin transferi üçün mübarizə aparır.

90deqiqe.az xəbər verir ki, bu barədə jurnalist Santi Auna "X" sosial şəbəkəsində (keçmiş Twitter) yazıb.

O,, artıq hər adıçəkilən klubların Fekirin komandasına təklif göndərdiyini bildirib. "Betis"lə razılığa gəlmək çətin olmayacağı bildirilir. Müqavilənin dəyəri 20 milyon avrodur.

2019-cu ildə "Lion"dan "Betis"ə keçən 2018-ci ilin dünya çempionu Fransa millisinin üzvü bu mövsüm komandanın heyətində 8 matçda iştirak edib və bir məhsuldar ötürmə edib. Onun La Liqa klubu müqaviləsi 2026-cı ilin yayına qədər nəzərdə tutulub.Nüfuzlu Transfermarkt internet portalı futbolçunu 12 milyon avro dəyərində qiymətləndirir.