"Qalatasaray"da daha bir ayrılıq?

Saşa Boeini rekord məbləğə "Bayern Münhen!"ə göndərən "Qalatasaray"ın növbəti ayrılığı Hakim Ziyeşlə ola bilər.

90deqiqe.az "SBA Sport" saytına istinadənj xəbər verir ki, Səudiyyə Ərəbistanı komandalarından Əl-Şəbab Hakim Ziyeşlə şəxsi razılıq əldə edib.

Səudiyyə Ərəbistanında ara transfer dövrünün bağlanmasına 2 gün qaldığı halda, Əl-Şəbabın bu qısa müddət ərzində rəsmi olaraq Ziyeşi imzalamağa çalışacağı təfərrüatlı şəkildə bildirilirdi.

Bu mövsüm "Qalatasaray"ın heyətində Super Liqada 9, Çempionlar Liqasında isə 5 matça çıxan 30 yaşlı Ziyeş 4 qol və 2 məhsuldar ötürmə ilə hesaba töhfə verib.