- Transfer
- 01:26 08.09.2024
“Çelsi” klubu “Əl-İttihad”ın hücumçusu Kərim Benzemanın transferində maraqlı deyil.
90deqiqe.az xəbər verir ki, buna səbəb “zadəganlar”ın diqqətini gənc və istedadlı futbolçuları cəlb etməyə və inkişaf etdirməyə yönəltməyidir. Bu barədə "The Athletic"in jurnalisti Devid Ornşteyn məlumat verib.
Xatırladaq ki, daha əvvəl "Çelsi"nin yalnız ötən yay Səudiyyə Ərəbistanına köçən 36 yaşlı fransalı ilə maraqlandığı bildirilirdi. Bu mövsüm forvard bütün turnirlərdə 24 oyunda iştirak edib, 15 qol vurub və 5 məhsuldar ötürmə edib. Futbolçunun Səudiyyə klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 15 milyon avrodur.
"Çelsi" bu mövsüm İngiltərə Premyer Liqasının 21-ci turundan sonra 31 xalla turnir cədvəlinin 9-cu pilləsində qərarlaşıb.