Benzema Ronaldo və ya Neymarın komanda yoldaşı ola bilər

Fransız hücumçu Kərim Benzema "Əl İttihad"ı tərk etməyə hazırlaşır.

90deqiqe.az xəbər verir ki, klub 36 yaşlı forvardı Avropaya buraxmağı planlaşdırmır, lakin forvardın Səudiyyə Ərəbistanının paytaxt komandalarından birinə transferinə razılıq verməyə hazırdır.

Ər-Riyadda Kriştiano Ronaldonun çıxış etdiyi “Əl-Nasr”, Neymar və Malkomun çıxış etdiyi “Əl-Hilal” kimi klublar yerləşir.

Qeyd edək ki, Benzema ötən yay azad agent kimi “Əl-İttihad”a keçmişdi. Bu mövsüm forvard bütün turnirlərdə 24 oyun keçirib, 15 qol vurub və 5 məhsuldar ötürmə edib. Futbolçunun Səudiyyə klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 15 milyon avrodur.