“Real”ın yay transfer planları AÇIQLANDI

"Real Madrid" 2024-cü ilin yayında transfer hədəflərini müəyyənləşdirib.

90deqiqe.az xəbər verir ki,  Madrid klubu PSJ-nin hücumçusu Kilian Mbappe, "Nyukasl"ın yarımmüdafiəçisi Bruno Quimaraes, həmçinin "Bavariya"nın müdafiəçisi Alfonso Davies və "Jirona"nın müdafiəçisi Yann Koutonu transfer etməyi planlaşdırır.

Xatırladaq ki, daha əvvəl Mbappenin yay transfer pəncərəsində karyerasını "Real Madrid"də davam etdirə biləcəyi barədə məlumat yayılmışdı.Mbappe 2018-ci ildən PSJ-də çıxış edir. Futbolçunun klubla müqaviləsi 2024-cü ilə qədərdir. Hazırda Transfermarkt portalının məlumatına görə, futbolçunun transfer dəyəri 180 milyon avro olaraq qiymətləndirilir.Bu mövsüm 25 yaşlı Kilian Mbappe PSJ-nin heyətində bütün turnirlərdə 27 oyun keçirib, 26 qol vurub və altı ötürmə edib.

Brunonun "sağsağanlar"la müqaviləsi 2028-ci ilin iyun ayına qədər nəzərdə tutulub.Braziliyalı oyunçu Premyer Liqa klubunda bu mövsüm 31 matçda iştirak edib, 1 qol vurub və 5 məhsuldar ötürmə edib.

Kanadalı Daviesin Münhen klubu ilə müqaviləsi 2025-ci ilin iyun ayına qədər nəzərdə tutulub.23 yaşlı oyunçu Bundesliqa klubunda bu mövsüm 26 matçda iştirak edib, 1 qol vurub və 3 məhsuldar ötürmə edib.

Braziliyalı Koutonun isə "Jirona" ilə müqaviləsi 2024-ci ilin iyun ayına qədər nəzərdə tutulub.21 yaşlı oyunçu La Liqa klubunda bu mövsüm 26 matçda iştirak edib, 2 qol vurub və 7 məhsuldar ötürmə edib.