"Real" Mbappenin transferi ilə bağlı mövqeyini dəyişdi

"Real Madrid" PSJ-nin hücumçusu Kilian Mbappeni transfer etməyə çalışır.

90deqiqe.az xəbər verir ki, 25 yaşlı futbolçu qərarını yaxın vaxtlarda açıqlayacaq.

Los Blancos imzalanan bonus ödənişlərini bir neçə il ərzində (müqavilənin müddətindən asılı olaraq) bölmək istəyir. Beləliklə, "Real" dərhal transfer haqqını ödəməli olmayacaq ki, bu da Mbappenin Madrid klubuna transfer olma ehtimalını artırır.

Mbappe 2018-ci ilin iyulunda “Monako”dan PSJ-yə keçib. Transfer məbləği 180 milyon avro olub.Futbolçunun klubla müqaviləsi 2024-cü ilin yayına kimi nəzərdə tutulub. Real Madrid fransalı futbolçunu azad agent kimi almağı planlaşdırır.

Bu mövsüm Mbappe 27 oyun keçirib, 28 qol vurub və 6 məhsuldar ötürmə edib.