"Çelsi"ni Fransa klubuna dəyişir

"Çelsi"nin müdafiəçisi Malanq Sarr karyerasını "Le Havre" klubunda davam etdirə bilər.

90deqiqe.az xəbər verir ki, “Havre”ıin rəhbərləri qış transfer pəncərəsinin son saatlarında 25 yaşlı müdafiəçini transfer etmək üçün çalışır.

"Çelsi" təklifdə razılaşma ediləcəyi təqdirdə fransalı futbolçunun satışının əleyhinə olmayacağı bildirilir.

Sarr 2020-ci ildən "Çelsi"də çıxış edir. Bu müddət ərzində o, mavilərin heyətində bütün yarışlarda 23 oyuna çıxıb, UEFA Super Kubokunu və Klublararası Dünya Kubokunu qazanıb. Bu mövsüm müdafiəçi Londonun məşqçilər korpusunun planlarına daxil olmadığından heç vaxt meydana çıxmayıb.

Müdafiəçinin "Çelsi" ilə müqaviləsi 2025-ci ilin iyunun sonuna kimidir. Transfermarkt internet portalına görə futbolçunun təxmini dəyəri 4 milyon avrodur.