Şahruddinin komandasında iki yeni hücumçu

Millimizin qapıçısı Şahruddin Məhəmmədəliyevin formasını geyindiyi "Adana Demirspor" heyətinə yeni futbolçular cəlb edib.

90deqiqe.az xəbər verir ki, Adana təmsilçisi Fransa "Lion"undan forvard Breyton Foque və Qazaxıstan "Astana"sından hücumçu Abat Aymbetovu transfer edib. Bu barədə klubun mətbuat xidməti məlumat yayılb.

20 yaşlı Foque ilə 2,5+1 illik, 28 yaşlı Abatla isə 1,5+1 illik müqavilə imzalanılıb.

Fransız futbolçu mövsümü Lionun B komandasında keçirirdi. O,10 matçda 684 dəqiqə meydanda qalıb və iki dəfə fərqlənib. 28 yaşlı qazaxıstanlı futbolçu isə “Astana”nın heyətində 91 oyunda 29 qol vurub, 6 məhsuldar ötürmə edib.