20 milyon avroluq təklifi rədd etdilər

Argentinanın "River Pleyt" klubu "Krasnodar"ın hücumçu Pablo Solarini transfer etmək təklifini rədd edib.

90deqiqe.az  bu barədə Sudanalytics "X" sosial şəbəkəsində (keçmiş Twitter) yazıb.

O, “Krasnodar”ın argentinalı futbolçunun transferi üçün 20 milyon dollar təklif etdiyini bildirib, lakin Argentina təmsilçisi bu təklifi rədd edərək 25 milyon avro istədiyini qeyd edib.

Ötən mövsüm 22 yaşlı Pablo Solari bütün turnirlərdə 46 matçda iştirak edib, 12 qol vurub, 12 məhsuldar ötürmə verib. Futbolçunun klubla hazırkı əmək müqaviləsi 2026-cı ilin qışına qədərdir. Transfermarkt portalında verilən məlumata görə, futbolçunun bazar dəyəri 8 milyon avrodur.