"Real"da 17 yaşlı ukraynalı qapıçı

"Real Madrid" ukraynalı qapıçı İlya Voloşini transfer edib.

90deqiqe.az xəbər verir ki, "Kral klubu" 17 yaşlı qolkiperlə 2026-cı ilin yayına qədər müqavilə imzalayıb.

Maraqlıdır ki, futbolçunun hazırda boyu 202 santimetrdir. Qapıçı əvvəllər İspaniyanın gənclərdən ibarət komandalarında çıxış edib. Voloşin 2022-ci ilin sentyabrında azad agent kimi İspaniyanın "Novelda" klubuna köçən "Dnepr"in məzunudur.

Xatırladaq ki, hazırda “Real”ın heyətində artıq cari mövsümdə Madrid klubunun start heyətində xeyli sayda oyun keçirən ukraynalı qapıçı Andrey Lunin var. Əsas qapıçı Tibo Kurtua zədəsini sağaltmaqda davam edir.