Arauxonun "Bavariya"ya keçidi niyə baş tutmayıb?

"Barselona"nın müdafiəçisi Ronald Arauxo son transfer pəncərəsi zamanı klubunu dəyişə bilərdi.

90deqiqe.az xəbər verir ki, bu barədə “The Athletic” məlumat yayıb.

Mənbənin sözlərinə görə, “Bavariya” bu ilin yanvarında Ronald Arauxonu 80 milyon avroya almağa çox yaxın idi. Uruqvay millisinin oyunçusu Münhen komandasına keçməyə müsbət yanaşsa da mavi qranatlıların baş məşqçisi Xavi bu transferin baş tutmasına imkan verməyib.

Xatırladaq ki, bu mövsüm 24 yaşlı müdafiəçi bütün turnirlərdə 21 matçda iştirak edib, 1 qol vurub. Futbolçunun klubla hazırkı müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 70 milyon avrodur.