“Mançester Siti”nin yeni hədəfləri

“Mançester Siti”nin mümkün yay transfer hədəfləri  bəlli olub.

90deqiqe.az-ın məlumatına görə, birinci hədəf "Trua"dan "Jirona"ya icarəyə verilən vinger Saviodur.

Hər iki klub City Football Group sisteminin bir hissəsidir, ona görə də 19 yaşlı braziliyalının transferini təşkil etmək asan olacaq.

"Siti"nin oyunçunu almaqla bağlı potensial qərarı haqqında daha əvvəl məlumatlar var idi. O, mövsümün 26 matçında 7 qol vurub və eyni sayda məhsuldar ötürmə edib.

"Şəhərlilər" "Bavariya"nın iki futbolçusu - 28 yaşlı Coşua Kimmix və 20 yaşlı Camal Musiala ilə də maraqlanır. 

Kimmiçə gəlincə, klub yanvarda onunla müqavilə bağlamaq fikrindən imtina etdi, lakin mövsümün sonunda buna qayıda bilər. Musialanın transferi Münhenlə yeni razılaşmaya razı olmasa, mümkün olacaq.

Kimmixin "Bavariya" ilə hazırkı müqaviləsi 2025-ci ilin iyun ayının sonuna qədərdir. Nüfuzlu “Transfermarkt” internet portalı Coşuanın bazar dəyərini 75 milyon avro qiymətləndirir.Bu mövsüm almaniyalı Almaniya çempionatında 14 oyun keçirib, bir qol vurub və üç məhsuldar ötürmə edib. Kimmix 2015-ci ildən "Bavariya"da çıxış edir.

Musiala "Bavariya" ilə hazırkı müqaviləsi 2026-cı ilin iyun ayının sonuna qədərdir. Nüfuzlu “Transfermarkt” internet portalı Musialanın bazar dəyərini 110 milyon avro qiymətləndirir.Bu mövsüm almaniyalı Almaniya çempionatında 23 oyun keçirib, 7 qol vurub və üç məhsuldar ötürmə edib. Camal 2020-ci ildən "Bavariya"nın əsas heyətində çıxış edir.