"Atalanta"dan MLS klubuna

"Atalanta"nın hücumçusu Luis Muriel yaxın vaxtlarda "Orlando Siti"yə keçəcək.

90deqiqe.az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb.

O, MLS klubunun artıq 32 yaşlı futbolçu ilə müqavilənin şəxsi şərtlərini razılaşdırdığını bildirib. Potensial əmək müqaviləsi üç il müddətinə qüvvədə olacaq. Bildirilir ki, "Atalanta" hücumçunu 1 milyon avroya buraxmağa razı olacaq.

Muriel 2019-cu ildən "Atalanta"da çıxış edir. Bu mövsüm forvard berqamasklıların heyətində bütün turnirlərdə 25 oyun keçirib və 6 qol vurub və bir məhsuldar ötürmə edib. Futbolçunun İtaliya klubu ilə müqaviləsi bu ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 3,5 milyon avrodur.