Premyer Liqa Savionun "Siti"yə transferini araşdıracaq

 “Mançester Siti” "Jirona"nın cinah oyunçusu Savio ilə müqavilə imzalamazdan əvvəl İngiltərə Premyer Liqasına onun ədalətli bazar dəyərinə dair sübut təqdim etməli olacaq.

90deqiqe.az “The Telegraph”a istinadən xəbər verir ki, bu, eyni sahibə tabe olan tərəflər arasında köçürmələrlə bağlı qaydaların sərtləşdirilməsi ilə bağlıdır. Bu o deməkdir ki, eyni sahibi olan klublar bir oyunçu üçün bazar dəyərindən aşağı ödəniş edə bilməz.

Bildirilir ki, braziliyalı futbolçu artıq "City Football Group"un əməkdaşı olduğu üçün sövdələşmənin xərclərə nəzarətdən yan keçməməsi üçün Premyer Liqa tərəfindən qiymətləndiriləcək.

Xatırladaq ki, İngiltərənin hazırkı çempionunun yay transfer pəncərəsində futbolçunun transferi ilə bağlı artıq İspaniya klubu ilə razılığa gəldiyi barədə daha əvvəl məlumat yayılmışdı.

Əlavə edək ki, bu mövsüm "Jirona"nın vingeri bütün turnirlərdə 27 matçda iştirak edib, 7 qol vurub və 7 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 30 milyon avrodur.