Onun PSG-yə keçmə ehtimalı var, amma ... - meneceri açıqladı

PSG-nin transfer hədəfində olan “Lill”in futbolçusu Nikolas Pepeylə bağlı açıqlama verilib.

Corner.az Fransa mətbuatına istinadən xəbər verir ki, 24 yaşlı futbolçunun gələcək karyerası ilə bağlı danışan meneceri Samir Kxiat, onun Paris klubunda çıxış etmək ehtimalının olduğunu deyib:“Pepe hazırda bütün təkliflərə açıqdır.Əsas olan onun daim oynaya biləcəyi kluba getməsidir. Onun PSG-də oynamaq ehtimalı var, amma hələ ki, heç bir şey yoxdur. Bunun üçün PSG-nin “Lill”lə razılaşması lazımdır”.“Lill”in Pepe üçün 90 milyon avro tələb etdiyi bildirilir.

Qeyd edək ki, gənc futbolçu, ötən mövsümdə iştirak etdiyi 41 oyunda 23 qol vurub.