“Çelsi” və “Barselona”nın planı: Baş məşqçi postuna onu gətirirlər

"Jirona"nın baş məşqçisi Mişel Anxel yayda top klublardan birini idarə edə bilər.

90deqiqe.az "El Chiringuito"a istinadən xəbər verir ki, “Çelsi” və “Barselona”nın rəhbərləri ispan mütəxəssislə əməkdaşlıqda ciddi maraqlıdırlar. Hər iki nəhəng klu mövsümlərarası fasilədə məşqçiyə təklif göndərməyə hazırlaşır.

Mişel iki ildir (2021-ci ildən) "Jirona"ya rəhbərlik edir. 48 yaşlı mütəxəssis "Rayo Valyekano" və "Hueska" kimi komandalarla da çalışıb.

"Jirona" hazırda İspaniya çempionatının turnir cədvəlində ikinci yerdədir. Angelin komandası 23 turdan sonra 56 xal toplayıb və lider "Real Madrid"dən 2 xal geri qalır.