"Real"ın sabiq futbolçusu "Barselona"ya rəhbərlik edə bilər

"Barselona"sının baş məşqçisi postuna namizədlər arasında "Real"ın sabiq futbolçusu və hazırda "Bayer Leverkuzen"i çalışdıran Xabi Alonso da var.

90deqiqe.az  "Mundo Deportivo"ya istinadən xəbər verir ki,“blauqranalar” Alonsonun Almaniya Bundesliqasındakı işini diqqətlə izləyir.

O, komandanın baş məşqçisi kimi Xavinin əvəzedicisi hesab olunur. Amma qeyd edilir ki, Xabi “Barselona” üçün prioritet variant deyil.

Qeyd edək ki, Xavi bu mövsüm başa çatdıqdan sonra "mavi qranatlar"ın sükanı arxası postunu tərk edəcək. Bu barədə ispaniyalı mütəxəssis bu ilin yanvarında məlumat verib.

Xatırladaq ki, Alonso 2022-ci ildə Bayer Leverkuzen klubuna rəhbərlik edəcək. Klub hazırda Bundesliqa turnir cədvəlinə başçılıq edir. Alonsonun komandası 20 turda 52 xal toplayıb - 16 qələbə və dörd heç-heçə.