İki İngiltərə nəhəngi ispan üçün yarışa girdi

İngiltərənin iki aparıcı klubu "Real Sosyedad"ın mərkəz yarımmüdafiəçisi Martin Subimendini heyətinə qatmaq niyyətindədir.

90deqiqe.az "Football Transfers"ə istinadən xəbər verir ki, “Liverpul” və “Arsenal” 25 yaşlı yarımmüdafiəçinin transferi uğrunda mübarizə aparmağa hazırdır. Hər iki klub qarşıdan gələn yay transfer pəncərəsində "Real Sosyedad" rəhbərliyinə təklif edə bilər.

Subimendi "Real Sosyedad"ın məzunudur. Bu mövsüm yarımmüdafiəçi bütün turnirlərdə 33 oyun keçirib, 4 qol vurub və bir məhsuldar ötürmə edib. Futbolçunun ispan klubu ilə müqaviləsi 2027-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 50 milyon avrodur.