"Atletiko"nun müdafiəçisi "Yuventus"un hədəfində

"Yuventus"  yay transfer pəncərəsində "Atletiko Madrid"in müdafiəçisi Mario Hermosonu almaq istəyir.

90deqiqe.Az xəbər verir ki,  “qoca sinyora”nın nümayəndələri artıq futbolçunun agenti ilə görüşüb. 

"Atletiko" Hermosoya müqaviləni uzatmaq təklifi edib. Lakin tərəflər maliyyə şərtləri ilə bağlı razılığa gələ bilmirlər.

Hermoso 2019-cu ilin yayından "Atletiko Madrid"də oynayır. Bu mövsüm 28 yaşlı ispaniyalı bütün turnirlərdə 30 oyun keçirib, 2 qol vurub, 9 məhsuldar ötürmə edib və 9 sarı vərəqə alıb.Futbolçunun hazırkı əmək müqaviləsi bu ilin yayına qədər nəzərdə tutulub.