İcardi Juventus'dan cavab gözləyir

Bir neçə gün əvvəl "İnter"in düşərgəsini tərk edən və fərdi məşqlərə başlayan Mauro İcardi "Juventus"a keçə bilər.

Corner.az İtaliya mətbuatına istinadən xəbər verir ki, Turin təmsilçisi argentinalı hücumçunu heyətinə qatmaqda israrlıdır. Ancaq Milan təmsilçisi İcardi üçün 50 milyon təzminat tələb edir.Juventus isə bu məbləği yaratmaq üçün G.Higuaini satmağı planlaşdırır.

"Juventus"a keçməkdə razılıq verən İcardi klub rəhbərliyindən cavab gözləyir. 26 yaşlı futbolçu İnter'in gənclərdən ibarət komandasının məşqçisi Daniele Bernazzaninin başçılığı altında məşqlərini davam etdirir.