Luis Muriel rəsmən "Orlando Siti"də

İtaliyanın "Atalanta" klubunun hücumçusu Luis Muriel  "Orlando Siti"yə keçidi rəsmiləşib.

90deqiqe.Az-ın məlumatına görə,  kolumbiyalı forvard yeni klubu ilə 2026-cı ilə qədər müqavilə imzalayıb.

“Bu şəhərin ab-havasında, komandada yaşamaq və işə başlamaq arzusu ilə burada olmaqdan çox həyəcanlı və xoşbəxtəm. Orlando mənə zəng edəndə fərqli təkliflərim oldu. Bu klubun inkişafına, burada oynayan futbolçulara, hamının titul qazanmaq istəyinə baxaraq qərar verdim - bütün bunlar mənim qərarıma əsas oldu. İşə başlamağı səbirsizliklə gözləyirəm”, - klubun mətbuat xidməti futbolçunun rəsmi saytından sitat gətirir.

Muriel 2019-cu ildən "Atalanta"da çıxış edir. Bu mövsüm forvard berqamasklıların heyətində bütün turnirlərdə 25 oyun keçirib və 6 qol vurub və bir məhsuldar ötürmə edib. Futbolçunun İtaliya klubu ilə müqaviləsi bu ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 3,5 milyon avrodur.