“Bavariya” Xabi üçün mübarizəyə qoşulur

"Bavariya" yayda baş məşqçi Tomas Tuxelin komandadan ayrılacağı təqdirdə  "Liverpul"un da namizədlər siyahısında olan "Bayer"in çalışdırıcısı Xabi Alonso uğrunda mübarizəyə qoşula bilər.

90deqiqe.Az xəbər verir ki, bu barədə Britaniyanın “The Times” nəşri məlumat yayıb.

Mənbənin məlumatına görə, Çempionlar Liqasının 1/8 final mərhələsinin ilk oyununda “Latsio”ya məğlubiyyətdən (0:1) sonra “Bavariya” rəhbərliyi Tuçelin yerinə gələcəkdə hazır namizədlərin axtarışına başlayıb. Seçimlərdən biri də “Bayer Leverkuzen”i çalışdıran Xabi Alonsodur. Bundan əlavə, alman çalışdırıcının bu mövsümün ortasında qovulması istisna edilmir.

Xatırladaq ki, daha əvvəl "Bavariya"nın növbəti üç matçının - "Bohum", "RB Leypsiq" və "Frayburq"la keçirəcəyi matçın Tuxelin performansının daxili qiymətləndirilməsi üçün həlledici olacağı bildirilmişdi. 2023/2024 mövsümünün Almaniya çempionatında "Bavariya" 50 xalla turnir cədvəlinin ikinci pilləsində qərarlaşıb. Komanda lider Bayerdən 5 xal geri qalır.