PSJ yayda üç transfer edəcək

PSJ rəhbərliyi bu yay ən azı üç böyük transfer edəcək.

90deqiqe.Az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) yazıb.

O bu, cari mövsümün sonunda komandadan ayrılacağı gözlənilən Kilian Mbappeni əvəz edəcək top oyunçu, eləcə də yüksək səviyyəli yarımmüdafiəçi və istedadlı mərkəz müdafiəçisi alacağını bildirib..

Xatırladaq ki, daha əvvəl fransalı futbolçunun PSJ rəhbərliyinə mövsümün sonunda ayrılacağını bildirdiyi barədə məlumat yayılmışdı. Bundan əlavə, "Real Madrid"in prezidenti Florentino Peresin artıq məşqçilər korpusuna Mbappenin Kral Klubunun futbolçusu olacağı barədə xəbərdar etdiyi bildirilirdi. Fransızın Madriddə aktiv şəkildə ev axtardığı barədə də məlumat var idi.

PSJ Fransa Liqa 1-də 21-ci turdan sonra 50 xalla turnir cədvəlinə başçılıq edir.