Solskjaer "Bavariya"nı çalışdıra bilər

Norveçli mütəxəssis Ole Qunnar Solskjaer "Bavariya"nın müvəqqəti baş məşqçisi ola bilər.

90deqiqe.Az xəbər verir ki, bu barədə jurnalist Florian Plettenberq "X" (keçmiş Twitter) sosial şəbəkəsində yazıb.

O rəhbərlik 2023/2024 mövsümünün sonuna qədər Tomas Tuxeli istefaya göndərmək qərarına gəlsə, Münhen klubu “Mançester Yunayted”in sabiq çalışdırıcısını komandanın baş məşqçi əvəzi kimi nəzərdən keçirdiyini qeyd edib.

"Bavariya"nın idman direktoru Kristof Freund bir neçə ildir ki, şəxsən izlədiyi 50 yaşlı Solskjaeri gətirmək niyyətindədir.

Tuxel ötən ilin martından “Bavariya”ya rəhbərlik edir. Daha sonra alman mütəxəssis bu postda gözlənilmədən həmyerlisi Julian Nagelsmannı əvəzləyib. Tuxel 2022/2023 mövsümündə Münhen ilə Bundesliqanın qalibi olub.

Daha əvvəl bildirilmişdi ki, Zinəddin Zidan “Bavariya”nın baş məşqçi postu üçün prioritet hədəfdir və klub artıq fransalının nümayəndələri ilə əlaqə saxlayıb. Lakin tezliklə məlumat təkzib olunub.

22 turdan sonra "Bavariya" 50 xalla Bundesliqada ikinci pillədə qərarlaşıb. Çempionata Bayer başçılıq edir (58 xal). Münhen komandası Almaniya Superkubokunu da uduzaraq, Almaniya kubokundan kənarlaşdırılıb. Çempionlar Liqasında Tuçelin komandası "Latsio" ilə 1/8 finalın ilk oyununda məğlub olub (0:1).