Nikolo Zaniolo yenidən "Qalatasaray"a qayıdır?

"Qalatasaray"ın alış opsiyonu ilə "Aston Villa"ya icarəyə verdiyi Nikolo Zaniolo İngiltərədə gözlədiyini tapa bilməyib.

Müntəzəm oynamaq şansı olmayan Nikolo Zaniolonun mövsümün sonunda İngiltərə ilə vidalaşacağı bildirilib. İtalyan xəbərlərində ulduzun ölkəsinə dönəcəyi vurğulanır. Daha əvvəl "La Gazzetta dello Sport"da "Milan" və "Yuventus"un Nikolo Zaniolo ilə maraqlandığı bildirilmişdi. Lakin son məlumata görə "Qalatasaray"ın Zanioloya ehtiyacı var. 

Aston Villa ilə bütün yarışlarda 26 matça çıxan Zaniolo 917 dəqiqə meydanda olub və 2 qola imza atıb.