"Yuventus" "Monza"nın qapıçısı ilə maraqlanır

"Yuventus" "Monza"nın qapıçısı Mişel Di Qreqorio ilə maraqlanır.

90deqiqe.Az xəbər verir ki, 26 yaşlı qapıçı karyerasında ciddi sıçrayış etməyə hazır olduğunu hiss edir. O, əmindir ki, Monza onun başqa komandaya keçməsinə mane olmayacaq.

İtalyan qolkiper 2022-ci ildən "Monza"da çıxış edir. Bu mövsüm o, komandanın heyətində bütün turnirlərdə 23 oyun keçirib, qapısından 19 top buraxıb və 11 topda qapısını toxunulmaz saxlayıb. Futbolçunun İtaliya klubu ilə müqaviləsi 2027-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 12  milyon avrodur.